خالد جلال يوجه رسالة لـ سامح حسين بعد إجرائه عملية جراحية

وجه المخرج خالد جلال، رسالة للفنان سامح حسين بعد دخوله المستشفى وإجرائه عملية جراحية.   

وقال خالد جلال: "بإذن الله خير يا ولدي وتقوم بألف خير وصحة وسلامة يا أطيب الناس.. ربنا يشفيك ويعافيك". 

وكانت وسام حامد زوجة الفنان سامح حسين، كشفت تطورات حالته الصحية، بعد تعرضه لوعكة صحية مفاجئة استدعت نقله إلى المستشفى ووضعه في الرعاية.

وكتبت زوجة سامح حسين عبر حسابها على "فيسبوك": "في المواقف اللي زي دي مهما هنقول كلام مش هيكون كفاية.. شكرًا من كل قلبي لكل شخص حاول يتواصل معايا علشان يطمن على سامح، وشكرًا ألف مرة لكل دعوة صادقة بالشفاء.. شكرًا لكل مشاعر الحب والاهتمام اللي غمرتنا بيها.. والله هونت كتير من الأزمة اللي إحنا فيها.. ولسه محتاجين دعواتكم الطيبة دي معانا".

وأضافت: "سامح الحمد لله بيتحسن، بس ما زال في الرعاية وحالته محتاجة متابعة مستمرة.. الزيارة ما زالت ممنوعة.. لكن الحمد لله رب العالمين في تحسن.. ربنا يسعد قلوبكم ويكفيكم جميعا وكل حبايبكم شر المرض ويبارك في صحتكم يا رب".